Tegund
Undirtegund
Slagrými
Afl í Kw
Hreyfilkóði

Baby-Safe i-SIZE Ocean Blue

Vörunúmer 400 2000024378
37.989 Kr

STOFN

-20%

Barnabílstólar Britax Römer eru margverðlaunaðir fyrir öryggi og hönnun.

Ungbarnabílstóll sem uppfyllir kröfur í reglugerð ECE R129 um barnabílstóla (i-Size).

Varan er í boði:
  • Verslun Dvergshöfða 2 - 1 stk
  • Verslun Hafnarfirði - 1 stk
  • Verslun Keflavík - 1 stk
  • Vefverslun - 1 stk

i-Size Frá fæðingu – 83 cm (≈ 15 mánaða / 13 kg)

i-Size öryggi án málamiðlana fyrir vaxandi börn

BABY-SAFE i-SIZE er fyrsti ungbarnastóllinn frá Britax sem uppfyllir kröfur í reglugerð ECE R129 um bílsæti (i-Size). Stóllinn veitir öryggi og þægindi fyrir nýbura og allt að 15 mánaða aldri, með fjölda stillinga sem henta börnum, allt að 83 cm löngum.

Helstu atriði

Rými til vaxtar- Hentar fyrir börn frá fæðingu til 15 mánaða

BABY-SAFE i-SIZE er hannaður með kröfur nýrrar reglugerðar ECE R129 (i-Size) í huga, og hentar fyrir börn frá fæðingu til 15 mánaða aldurs, eða allt að 83 cm stærð. Í ungbarnastólnum er sérstakur nýburapúði sem veitir aukastuðning, og dregur verulega úr höggi við árekstur. Innleggið má fjarlægja, og með hæðarstillingu höfuðpúða, veitir stóllinn hámarksrými fyrir vaxandi börn.

 

Þróuð legustaða tryggir öryggi og þægindi

Við höfum á því fullan skilning, hve erfitt getur verið að finna bestu legustöðu nýbura í bílstólum. Vöðvar ungbarna eru lítt þroskaðir og hentar þeim því betur að liggja út af, en uppréttari staða er öruggari við árekstur. Í BABY-SAFE i-SIZE er að finna einkaleyfisvarða tækni sem býður upp á einfalda lausn, -legustaða breytist með stöðu höfuðpúða. Unnt er að ná enn betri legustöðu fyrir nýburann, með notkun ungbarnastólsins með BABYSAFE i-SIZE FLEX botninum, í tilteknum bíltegundum.

 

Öðlist hugarró í fyrstu bílferðum barnsins

Börn, og sérstaklega nýburar, eru þeir farþegar sem varnarlausastir eru, og því er nauðsynlegt að vernda þau gagnvart öllum hugsanlegum höggum. Þess vegna einbeitum við okkur að þróun, prófunum, og umbótum í gerð barnabílstóla. Við fylgjum ítrustu kröfum öryggisstaðla, og gerum betur en að uppfylla strangar prófanir samkvæmt hinni nýju reglugerð um öryggi barna (ECE R129). Með BABY-SAFE i-SIZE bílstólnum, getur kaupandinn verið viss um að þróunarvinna okkar og umhyggja fyrir öryggi barna, eykur ferðagleði og hugarró.

 

HELSTU EIGINLEIKAR

Nýburainnlegg

Sérhannað til að veita ungbörnum aukinn stuðning. Innleggið, sem fylgir stólnum, með lausum svamppúðum, dregur úr höggum, minnkar rýmið og eykur þægindi.

 

Háþróuð Side Impact Cushion Technology (SICT)

Nýjasta útgáfa okkar af SICT veitir frábæra vörn gegn hliðarhöggum í 2 þrepum. SICT ýtir barninu frá höggstefnunni, aflagast síðan og dregur í sig orku höggsins. Til að ná fram hámarksvörn, stillið SICT á þeirri hlið stólsins sem næst er dyrum bílsins.

 

Þróuð legustaða

Veitir þægilegri og líkamlega réttari stellingu fyrir nýbura. Einkaleyfisvarinn stillibúnaður gerir kleift að stilla leguhornið í samræmi við hæð barnsins. Staðan breytist sjálfkrafa þegar höfuðpúði er stilltur, og kemur þannig á móts við aukna rýmisþörf vaxandi barns. Staða axlaólanna stillist einnig sjálfkrafa með höfuðpúðanum.

 

Auðstillanlegur höfuðpúði og belti

Bólstraða höfuðpúðann og beltið má auðveldlega stilla með annarri hendi samkvæmt hæð barnsins. Athugið, áður en öryggisbeltið er fest, að höfuðpúði sé í réttri stöðu - rétt yfir axlahæð.

 

Sólhlíf

Sólhlífin skýlir barninu fyrir geislun sólar (UPF 50+) og vindi, bæði í bíl og á kerru. Festipunktar eru á þægilegum stað á hlið burðarslár, þannig að flytja má stólinn með sólhlífina á sínum stað.

 

5-punkta belti

Það er sannfæring okkar að 5-punkta belti séu öruggasta festingin fyrir börn í bílsætum, þar sem þau halda börnunum kyrrum og öruggum innan ytra byrðis barnastólsins. Við árekstur dreifir beltið orkunni á 5 staði, tvo við axlir, tvo við mjaðmir, og einn við festingu milli fóta. Þetta eykur öryggi barnsins gagnvart árekstrum úr öllum áttum.

 

Auðveld losun- CLICK & GO® millistykki

Ungbarnastólinn má auðveldlega taka af botninum eða kerru, þannig að foreldri geti lyft honum í líkamlega réttri stöðu. Takið í handfang á baki stólsins til að losa hann af botni eða kerru, og lyftið upp á auðveldan hátt.

 

Stillanleg burðarslá

Burðarslá má auðveldlega ýta aftur þegar barninu er komið fyrir í stólnum. Ýtið á hnappana á báðum hliðum slárinnar til þess að losa hana og færa. Sé stóllinn settur á gólf, er mælt með að sláin sé sett í öftustu stöðu til að hindra að stóllinn ruggi.

 

Merki sem staðfesta réttar stillingar

Á ungbarnsbílstólnum eru merki sem sýna þegar hann er rétt festur á botn eða á kerru. Litur merkjanna breytist úr rauðu í grænt þegar réttri læsingu er náð.

 

Áklæði sem auðvelt er að losa

Drykkir geta hellst niður og börn orðið bílveik á ferðalögum. Þess vegna er áklæði stólsins hannað þannig að það má fjarlægja á fljótlegan hátt, án þess að losa öryggisbeltið, og þvo það í þvottavél.

 

Samhæfður búnaður

Þegar annir eru miklar, og ferðast þarf með barnið, er auðvelt að festa ungbarnabílstólinn á barnakerru. Lyftið einfaldlega stólnum úr bílnum og smellið honum á kerru. Britax Römer ungbarnsbílstóla má festa á allar Britax barnakerrur með CLICK & GO® millistykkjum.

 


FESTIMÖGULEIKAR

Í bíl: 3-ja punkta sætisbelti eða BABY-SAFE i-SIZE FLEX botn eða BABY-SAFE i-SIZE botn*

Á barnakerru: CLICK & GO® millistykki

* BABY-SAFE i-SIZE með FLEX botni eða venjulegum botni má nota í bílsætum sem passa fyrir i-Size stóla, og í flestum bílum með ISOFIX festingum. (Ath.hvort botn passi bíltegundinni á FitFinder vefsíðu Britax). Passar á aðrar algengar barnakerrutegundir. Gildandi lista má finna á www.britax.com

YTRI MÁL

Þyngd: 4.8 kg
Stærð: H 58 cm x B 44 cm x D 67 cm
Vottun: ECE R129 (i-Size)

Leiðbeiningar

Bílanaust leggur áherslu á mikilvægi þess að bílstólum sé komið fyrir á réttan máta og samkvæmt leiðbeiningum, til þess að öryggisbúnaðurinn nýtist til hlítar.
 
Leiðbeiningar varðandi ísetningu
 
 
Um i-SIZE og ECE R129